مستقبل الدراسات اليونانية واللاتينية

دار هذا الحوار على الفيس بوك بين بعض طلبة القسم ، وسوف استخدم أسماء حركية وليست الأسماء الأصلية حفاظاً على خصوصية الحوار ، لنتعرف معاً على طريقة تفكير كل منهم واتجاهاته، ومدى استفادته من الدراسات الكلاسيكية:

باء :

يتحدث الدكتور طه حسين عن قسم الدراسات القديمه (اليونانيه واللاتينيه حاليا )ويقول : " حوربت اللاتينيه فى كليه الاداب سنه 1932 ، وما هى الا ان الغى حلمى عيسى باشا قسم الدراسات القديمه الغاء . وظلت اللاتينيه واليونانيه مع ذلك تدرسان فى الكليه لغتين اضافيتين على انهما من وسائل البحث الجامعى .فلما عدت الى الكليه فى اواخر سنه 1934 عادت الحرب حول اللاتينيه واليونانيه جذعه ، وانتهت بان اعاد نجيب الهلالى باشا ما الغاه حلمى عيسى باشا ، واستانفت اللاتينيه واليونانيه حياتهما خصبه مبشرة بالخير فى كليه الاداب .فهذا كله على ايجازه يصور لك فى وضوح ما تلقاه اللاتينيه واليونانيه فى مصر من المقاومه . وانا مع ذلك مؤمن اشد الايمان واعمقه واقواه بان مصر لن تظفر بالتعليم الجامعى الصحيح ولن تفلح فى تدبير بعض مرافقها الثقافيه الهامه الا اذا عنيت بهاتين اللغتين ، لا فى الجامعه وحدها بل فى التعليم العام قبل كل شئ . كل هذا ولم اتحدث عن اثر هاتين اللغتين فى تكوين العقل وتقويمه وتثقيفه واعداده للتفكير المستقيم ، فان هذا الحديث ان ذهبت اليه لم يفهم عنى ، لان فهمه يقتضى معرفه هاتين اللغتين و ممارستهما وابتلاء اثار المعرفه والممارسه والذين يعرفون هاتين اللغتين فى مصر يمكن احصاؤهم على اصابع اليد الواحده او على اصابع اليدين " .
كل ده يا شباب ولسه بنسال نفسنا احنا ممكن نكون بندرس اليونانى واللاتينى ليه ؟!!! ا
انا بقول للى بيسال السؤال ده لانهما اهم لغتين فى العالم رغم انقراضهما ، فهما باقيتان حيتان فى كل العلوم والاداب واللغات التى ندرسها

ميم :

والله انا شايف ان ملهومش لزمة لأن فى العالم الواقعى محدش حيسألك عن الحاجات الى بندرسها ، ممكن تخدهم ثقافة بس الكلام ده مبيأكلش عيش خد عندك الاساطير و كمية القذارة الى فيها ، استمتع بأبجرامات الى تقريبا كلها عن الجنس و على فكرة احنا لينا علوم و حضارة منسية ممكن تثرى عقولنا ، على سبيل المثال حضارة الاسلامية و الحضارة القبطية لو قولتى ممكن ندرس علاقة الحضارة اليونانية و تأثيرها على الحضارتين دول يبقى اولى ندرس الحضارتين دول الاول

نون :

انا شايفة انهم مش هيفيدونا بحاجة بعد كدة يعنى انا فى تانية كلاسيك ومشكلتى الوحيدة هى اليونانى ولاتينى لانى مش بعرف اذاكرهم بس انت ممكن تقول ان الاتينى هيفيدنا شوية لانه اصل كل اللغات لكن اليونانى

كاف :

ya gama3a ana shayef eny el rodod satheya awy mesh 3ashan el kesm mabey5aragsh nas teshtaghl neb2a ne2ool eny el kesm we7sh we lazemt el asater we el kalam dah 5al el kalam mohadad we f etygah wahed 3ashan ne3ref neshof fen el moshkela we nehelaha nahny lasna ashab al hakika al motlaka. degad iam so sad to hear that from student in the 4 th year.

wadeh gedan eny f hagat kteeeeeeeeer ghayba 3an el talaba we mesh fahama

ميم :

سياسية ؟؟؟؟؟ هاهاهاهااااااا

يا رب اكون فهمت الكلمة ، عيب على واحد من عشاق اللغة العربية يكتب بالطريقة الغريبة ديه
ايوة القسم وحش ان مبيخرجش ناس تشتغل لأن الانسان مبيضيعش اربع سنين من عمره فى حاجة مبتشغلش الناس لازم تاكل لقمة عيش مستحيل الانسان يعيش لنحصيل العلوم و المعرفة بس و خصوصا الايام ديه التى يكيل فيها العلم بالبتنجان . وبالنسبة للاساطير ممكن تفتح توك خاص نتكلم فيه على رحتنا

ناني:

M. ... K. kan bey2ool sat7eyya mesh seyaseyya :D

وعشان بس متزعلش انا هكتبلك بالعربي اولا انا موافقاكم كاكم في رأيكم و بالعكس مش شايفة انه ضد بعض خالص يعني (ك) و( ب) مع دراستها و متفهمين هي أد ايه فعلا بتفتح العقل و بتفتح سكك كتيرة جدا للتفكيرانا عن نفسي بحس ان بعد دراسة اليوناني و اللاتيني كلغات سهل علي كتييير اوي اني ادرس اي لغة تانية حديثةبالنسبة لليوناني فهو فيه اصول كلمات كتيرة جدا احنا بنستخدمها لغاية النهاردة زي كلمة ديمقراطية من ديموس + كراتوس واللي بتساعدنا ازاي نفهم المعني الحرفي الاصلي للكلمة و انها تعني حكم الشعب وزي كلمة Zwo = animal وجت منها zoo جنينة الحيوانات وزي هيبوكراتوس= الممثل وجت منها
Hypocrite= = منافق . واكيد الامثلة متتعدش بالنسبة لليوناني ... و دة غير انه النحو بتاعه صعب فبيخلي المخ علاطول مفوق ...احسن من النسكافيهاللي هو ممكن نستخد اليوناني كتمرين لعضلة المخ و للتقوية.
و نفس الكلام و لكن بصورة اوضح كمان بالنسبة للاتيني دة كان من ناحية اللغة اما الدراسة من ادب و فلسفة وتاريخ فأنا عن نفسي بعتبر اني محظوظة جدا اني ادرس عقول ناس عباقرة بمعني الكلمة
يعلمك في التاريخ السياسة و تاريخها و ازاي التعامل مع الناس بمختلف انواعهم و عقلياتهم ياخدك من روما لليونان لمصر للفرس من القرن ال12 ق م للعصور الوسطى بعد الميلاد

للحديث بقية بس سوري عشان جالنا ضيوف

هاء :

على فكرة احنا من غير اللاتينى مش هانفهم الانجليزي وهو ده فعلا الواقع ان احنا مش فاهمين النجليزي صح لأن احنا ما درسناش اللاتينى من البداية مع الانجليزي,فى الدول المتقدمة و اوروبا بيدرسوا اللغتين مع بعض من البداية فلعل وعسى احنا نعمل مثلهم وبالنسبة لأصل الكتاب يا نهال ده:انا بجد نفسى اعمل كتاب لكده انى اجييب الكلمة فى الانجليزى مثلا واصلها فى اليونانى او اللاتينى والعكس ودي ممكن تكون فكرة ماجيستير أو دكتوراه ناجحة

باء :

انت يا هاء قلتى فكرتين ، فكرة جامدة اوى وفكرة تانية مش على مستوى

الاولى ، الاولى انك بتحثى على دراسة اليونانى واللاتينى فى المدارس الثانويه او الاعداديه زى اوروبا و ده فكره جامده جدا دعى اليها طه حسين من بدايه القرن العشرين لكن لا حياة لمن تنادى ، الفكره التانيه هى عمل رساله ماجيستير او دكتوراه لعلم اسمه الاشتقاق Etymologyوالحقيقة ان ده فكرة عمل قاموس فى اللغه مش رساله علميه ، وهو قاموس موجود بالفعل "اكسفورد اتيمولجى انجليش" بالف جنيه فى مكتبه الانجلو للعايز يشتريه ، لكن الرساله العلميه ممكن تبقى فى فقه اللغه موضوع الاتيمولوجى ده ، وهو علم كبير وصعب وشيق فى نفس الوقت

هاء :

هههههههه بألف جنيه هههههههههههههههههههههههههههههههههه

لا أعملوا انا أسهل بنفسى ومجانا وبعدين انا مجرد عرفت تمنه مش هشتريه و ممكن يكون دافع ليا ان انا اعملو وانا فعلا معرفش ان فى حد فكر فى الفكرة دى قبل كدة خالص
اما عن الاتيمولوجى فده انا اول مرة اسمع عنه او تانى مرة لأن اسمع ان انتم فى سنة رابعة بتدرسوا مادة اسمها الفقه لكن معرفش هيا عبارة عن ايه بالظبط؟؟

ميم :

فعلا البشر ممكن ينسخلوا من جلدتهم من حضارتهم من ماضيهم وممكن حتى من دينهم و اللذيذ ان الانسان ممكن يعيش وهم كبير ويصدق في الناس ديه قول الرسول صلى الله عليه وسلم
انا مش حرد دلوقتى عشان الامتحانات بس لينا لقاء قريب بأذن الله ايها المتأغرقون
على فكرة مش قصدى حد بعينه عشان (ناني) مستنيه غلطة و تمسحنى من على وجه الارض مش الفيس بوك بس

ألف :

السلام عليكم يا جماعة انا زميلتكم (ألف) نفسي أسال سؤال احنا بنتعب جدا في مذاكرة اليوناني واللاتيني دة هيفيدنا فأية انا اعرف ناس اتخرجت ونسيت اللغات دي خالص يمكن الايطالي لغة جميلة وهتفيدنا بعد كدة والادب والتاريخ ثقافة عامة ياريت حد يقولي

باء:

مش هتفيد حد طالما هو مش عايز يستفاد منها ، كل العلوم والدراسات الموجودة فى الدنيا كده متهيالى ، اللى عايز يستفاد منها حقيقى هيعرف وهيتعلم وهيحس بفرق واللى مش عايز هينسى وكانه لم يدرسها اصلا ، وده مش مشكلة مع اليونانى واللاتينى و بس ، ده كل الناس بتسال نفسها احنا بندرس الحاجات ده ليه ؟ هنعمل بها ايه ؟ لكن المشكله الحقيقية ان فى مصر بيحفظونا وشوية يفهمونا لكن ما حدش قال لنا ايه الحكمه من اللى بنتعلمه ، كل واحد بقى يكتشف الحكمة والغرض من اللى بيتعلمه لوحده مع نفسه ، عشان كده بندرس واحنا مش عارفين ليه

ميم :

والله لو انت فى يوم استطعت ان تكتشف الحكمة وراء دراسة اليونانى و اللاتينى اخبرنى. اذن انستى الفاضلة اعتقد إنه ليس هناك طائل من دراسة اللغتين ببساطة
الترجمة تتم للغة الانجليزية وده شيىء يثير الدهشة لأن لو دراسة اللغة تتم لأجل نقل علوم اهل اللغة تلك اذن لماذا تتم ترجمتها للغة اجنبية اخرى ؟

باء :

معاك حق فى انه اولى ان نترجم الاداب والعلوم اليونانيه واللاتينيه الى العربية مش للانجليزيه بس هما بيعملوا كده للاستسهال لان القواميس كلها يونانى ولاتينى الى انجليزى وعقبال ما نحولها لعربى هناخد وقت كبير ،، لكن اللى بيخرج من القسم ده وعايز يترجم اى كتاب يونانى او لاتينى بيترجمه طبعا للعربى ،، لكن الغرض من وراء دراسه اليونانى واللاتينى ليس نقل العلوم والاداب بتاعتها بس ،، ده بيفيدنا كمان فى معرفه اكبر للغات القديمه و انعكاسها على اللغات الحديثه يعنى لا شك ان اللى يعرف ايطالى بس حاجه واللى يعرف ايطالى و لاتينى حاجده تانيه خالص ،،، اللى يعرف ايطالى ولاتينى طبعا احسن بكتييييييير وانا مجرب ده بنفسى فى التعامل مع يونانيين انهم لانهم مش عارفين يونانى قديم تحس انهم حافظين مش فاهمين . وفوائد تانيه لا تحصى غير نقل العلوم والاداب الى لغتنا وغير المعرفه اللغويه الاكبر

خاء :

انا عاوزه اسال سؤال معلش معنى كده ان حضراتكم قضيتوا اربع سنوات من عمرك على الفاضى يعنى محدش استفاد ولا كلمه من القسم يبقى بجد حراااام عليكم لاننا هنتحاسب على الوقت ده وياريت نبطل ننظرلللامور بشكل سطحى وانى لازم استفيد من دراستى فى الشغل او الحياه العمليه لا فى حاجات واهداف تانيه اعمق

عودة إلى الصفحة الرئيسية